【訪問】
《852郵報》創辦人游清源是《信報》前副總編輯，今次放低文人身份，兼且減薪五成半，帶領《信》專欄「紀曉風」原班人馬搞新媒體，專攻新聞分析及評論，目標要兩年之內達到收支平衡，「搵錢有一定困難，搵到都花時間。我唔單止冇蔡東豪咁熟手，仲有個心理關口要過。」
「人工只有五位數」
成立至今僅約半年，《852》成績比預期好，日均頁面瀏覽量有10萬至20萬次，高峯時期曾試過近90萬次，開始旺丁又旺財，加上已籌得超過60萬元贊助費。他透露，《852》共擁有600萬至700萬元經費，每月開支約30萬元，「夠玩兩年左右」。
除了廣告及贊助收入，該機構正考慮打NGO（非政府組織）的主意。但他相信，新媒體要成功，必須以新帶舊，會考慮推出刊物，加強認知度，「可能出返份類似《黑紙》嘅刊物，其實《主場》更加應該做。」
有傳《852》的經費由李嘉誠紅顏知己周凱旋所出，但游清源斷然否認，「我都想！但如果真係嘅，起碼好似《巴士的》咁囉，佢哋間房大過我哋七成。淨係盧永雄自己都唔平啦，佢都有六位數字人工，但呢到全部得五位數字，包括小弟」。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp