Hi，我係許家樂，由今日起我會同埋我嘅隊友陳子樑喺《世盃Diary》呢度同大家分享我哋嘅生活趣事，同點睇今屆世界盃。
首先介紹下自己先，我喺賽馬會體藝中學讀緊中五，係香港U18代表隊同橫濱FC（香港）U18嘅成員。我5、6歲就開始踢波，嗰時為咗踢波可以連飯都唔食，到咗小學最後兩年，朋友介紹下入咗東方青年軍，之後仲被選入港隊，隨隊出戰過北京、武漢等；而踢波咁耐最難忘嘅莫過於今年NIKE CHANCE大中華區足球選拔賽攞到首名，去咗英國參加世界選拔賽，同來自31個國家及地區嘅優勝者切磋。
講番今屆世界盃，我撐硬葡萄牙！全因為一個基斯坦奴朗拿度（C朗），我最欣賞佢嘅努力同永不放棄精神，佢並冇恃住自己有天份而打天才波，反而更加努力操fit自己，最後拎咗金球獎，仲幫皇馬攞埋個歐聯冠軍，同埋帶葡萄牙打入世界盃決賽周。C朗已經係我哋年輕球員嘅學習對象，唔使介紹啦！
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp