【本報訊】社運歌《問誰未發聲》網上瘋傳，來自金融界的對沖基金經理錢志健早前也有拍片「發SING」。除了唱歌，錢志健還希望搞搞新意思，效法蝙蝠俠投映蝙蝠標誌上天空的經典場面，將「香港救急」四個字，於6.22投票前投映到維港上空，呼籲香港人珍惜機會，積極參與投票！
經典美國漫畫蝙蝠俠中，葛咸市是象徵黑暗的罪惡之城，屢被形容「This city is dying」的香港，會否「葛咸市」化？錢志健說要看香港人「造化」，「正如《問誰未發聲》中呢兩句：『問我心再用我手，去為選我命途力拼。』民主唔會從天而降，若太早認命，只會乜都唔做」。
擬將「香港救急」投映天空
過去一年，他這個「中環人」，就「不認命」地組織金融界討論佔中，為自己、也為這個城市發聲。他說：「佔中討論近一年，經歷過高潮，也曾經低沉，但呢個6月，肯定係關鍵時刻！」6.22前的周四及周五，他與一班金融人就相約在中環娛樂行「千人唱」，猶如聖誕節「報佳音」，在炎夏揮汗如雨，選唱的，正是《問誰未發聲》，「好似我哋呢批人，上咗年紀，但又未算好老，如果我哋都唔出聲，香港點算好？」
「除咗一人一句大合唱，我哋正努力籌款，想效法蝙蝠俠，喺投票前將「香港救急」投映到香港上空，讓每個人都記得呢個日子。」錢志健說。改編自《Do You Hear The People Sing》的《問誰未發聲》，《蘋果》早前發起一人一句、全港串聯，至今已經收到約600段短片投稿「今日我發SING！」，活動細節可瀏覽《蘋果》facebook專頁（ http://fb.com/hk.nextmedia）。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp