仲有3日，四年一度嘅世界盃就展開，而唔少男球迷響呢個幾月會通宵睇波，而作為另一半嘅你，響呢個幾月點都捲入呢個足球熱潮，大家睇波同時，其實仲可以睇埋各隊靚仔球星！
今屆決賽周，巴西同阿根廷被列熱門，兩強既唔使擔心適應天氣問題，中後場整體戰意識強，前線就有好強突破能力嘅球員，即係單對單多數可以扭過對手個種球員；而擁有個人突破能力嘅攻擊球員響現今足球好吃香，當中巴西10號仔尼馬（圖），就肯定係今屆賽事焦點，既有MK仔嘅崩頭，場上則出名好扭得，各位女球迷記得睇佢揭幕戰扭人。
英軍老西夠吸引
至於最受港人歡迎嘅英格蘭出發前全隊着住老西影咗全家福（圖），又確實幾吸引。但講到型，意大利球員出名高大靚仔又威猛，至於點型法，記住留意小妹聽日呢個專欄。文：陳婉婷
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp