識得落廣告，梗係趁世界盃！巴西世界盃星期四開鑼，好多商戶跟球迷一樣已經做好準備。相信商戶比球迷更打醒十二分精神，因為未來約一個月賽事，估計可以吸引全球34億人收睇。想食盡世盃廣告龐大商機，需要有足夠彈藥。因為商戶想成為世界盃賽事合作夥伴，估計合約費用達八位數字。分別於2006和2010年成為世界盃指定計時器的名牌腕錶Hublot，今屆再接再厲參與。該品牌還推出專門為今屆世盃賽事計時而設的Big Bang Unico腕錶。行政總裁Ricardo Guadalupe接受英國《金融時報》專訪時透露，2006年前Hublot知名度只屬一般，但世界盃期間的廣告計劃後成功上位。上屆世界盃賽事的宣傳活動，公司官網瀏覽人數一個月內勁升五倍。而Hublot在今屆世界盃的宣傳費，已佔全年廣告支出的兩成。
Hublot是今屆世界盃合作夥伴的唯一高檔鐘錶品牌，並非其他鐘錶品牌按兵不動。咁勞力士呢？Ricardo Guadalupe非常「高章」咁話：「有人做咗先，佢哋無理由跟風嘅。我亦明白佢哋精益求精，只可惜俾我哋捷足先登。」其他手錶品牌，由奢侈品牌Bulgari至迎合大眾口味的Swatch亦有推出各類巴西世界盃主題腕錶。最後，點解鐘錶品牌鍾情在大賽事賣廣告，贊助球員豈非成效更高？其實職業足球球員比賽時一律禁止戴錶落場，確保賽事安全。
C+B
本欄逢周一刊出
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp