【本報訊】每場賽事，球證責任如千斤重，一次誤判隨時成為歷史罪人。前國際球證陳譚新是首位在世界盃執法的華人球證，他接受港台訪問時稱，走上國際球證之路非常艱苦，但能擔任世界盃球證，是人生最高榮譽。
「冇人情味囉」
陳譚新自小對足球熱愛，大學畢業後，做過體育老師，歐陽震華是其學生。他也是輔警，70年代駐守香港仔差館，其中一名警長是代表台灣的國際球證，「佢知我鍾意足球就叫我學做球證」，自此踏上國際球證之路。他1970年正式做三等球證、1975年升為國際球證；82年世界盃，首場執法賽事是洪都拉斯對北愛爾蘭，擔任主裁判。他憶述當時球證有保鑣同行，「驚啲外圍公司同你有任何聯繫」，防止不法分子擾亂賽事。該場賽事有一個十二碼的決定，罰與不罰的責任全在他身上，「但我睇到嗰波喺界外，所以冇罰到，結果慢鏡放出來真係喺界外」。
陳譚新退休時，獲亞洲足協頒發終身成就獎，國際足協也向他送出特別獎狀。香港足球總會呢？竟然只送一個足球，陳譚新笑言：「我仲免費同香港足總義務教咗10幾年球證，冇人情味囉！」
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp