【本報訊】往常澳門的遊行集會都是小貓三、四隻，5.25大遊行湧現了許多新面孔，當中有首次上街的咖啡室年輕東主Abby和Gloria兩姊妹。二人不滿政府施政沒有照顧年輕人，單一的賭業經濟抹煞了新一代的出路，高官還弄權自肥，終於忍無可忍。
令樓價及租金飆升
Gloria與姊姊去年創業，在下環區開設一間小小咖啡室。採訪當天，樓面工作都由兩姊妹親力親為。「請唔到人，年輕人都去晒賭場做。」Gloria指，賭場酒店壟斷了澳門經濟命脈，年輕人出路沒有選擇。
賭業帶動澳門經濟，也帶動樓價飆升。二人的咖啡室，300呎的舖位月租萬元，她們提出購下舖位，500萬元業主也不肯賣。昂貴的租金蠶食了她們的回報，開業至今，咖啡室只能保住成本，兩姊妹過去一年個人收入完全食白果。
舊債未償，又添新債。當崔世安推出自肥方案，從未上街的兩姊妹忍無可忍。Gloria說：「喺澳門人心目中，呢個政府已經夠爛，食嘢唔做嘢，做嘢又亂來。不過以前覺得澳門冇得救，遊行有乜用？但係今次你踩到上心口，就一定要出來。」香港人羨慕澳門年年有錢派，Abby不以為然：「我哋睇唔到澳門政府過去做過啲乜，淨係識派錢。其實自從派錢之後，啲物價升得更加犀利。」她認為政府揮霍兼自肥，將會令下一代承受苦果：「𠵱家就話庫房水浸啫，過多10年，經濟唔得咁點算？呢代冇事，下一代呢？」
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp