【壹週刊】賈曉晨為咗配合男友樊少皇，離開經理人陳百祥，轉移基地長駐內地拍劇。據知JJ呢兩年，冇停過手一劇接一劇，仲要多數都係古 裝。天時暑熱著住套古裝 衫，真係少啲體力都捱唔住，加上同樊少皇嘅戀情，令JJ壓力大增，連JJ首次執導嘅微電影，由頭到尾都係JJ一手一腳搞足一年咁耐，最終JJ捱到有好幾次 喺片場暈低！
JJ透露係內分泌失調，所以暈倒，為健康著想，JJ決定賣樓套現，將喺09年以接近二百萬購入嘅將軍澳單位，以四百幾萬售出， 賬面賺一倍！咁樣就算唔開工一段時間，照樣有錢俾屋企。聽聞JJ仲有間屋喺北京，唔通佢已經諗住喺內地落地生根？「唔係，都會住香港，因為屋企人都喺香 港。（換更大單位？）都會大啲！」JJ向記者講。
除咗賣樓之外，JJ為自己執導嘅微電影《愛情是什麼》專登返香港，但佢竟然主動要求減少宣傳活動，決心養好身體先繼續搏殺！
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android