【壹週刊】「葵涌貨櫃碼頭路邊渠蓋下面，最近俾我哋搵到一竇！」李家三兄弟興高采烈地，互相報告目標藏匿的地方。
在香港，任何齷齪地方都可以是蜜蜂的藏身之所。
李家三兄弟，自詡「城市養蜂人」。平日，大佬是音響維修員、二佬揸貨van、三佬做電工。三人年紀相若，但也五十來歲，勞碌半生。
三年前，四弟突然猝逝，死因是心臟病。又一個應及時行樂的故事，但今次主角換上至親，感覺如雷轟頂。三兄弟下定決心要創一番事業，「我呢世人都唔成功，唔想再係咁。」
年過半百，毅然追夢，想起童年拾趣。「不如我哋起個養蜂場，第時退休之後賣蜂蜜搵食。」
最初盲摸摸四處找野生蜜蜂，帶入自製蜂箱內收養，結果零收成。「頭兩年，成竇蜜蜂走晒，剩番個吉箱。無收成，一啖蜜糖都未食過。」當初的堅持，令他們很懷疑。
你要靜候，再靜候。三年後，終於摸出經驗來，他們由新手變達人，自製「收蜂籠」、蜂箱、為蜂巢刻下水槽、趕走青蛙黃蜂等獵人。經常被蜜蜂螫到口腫臉腫，他們就像古裝片的大俠，用最原始的方法解毒，互相吸吮毒液。
時機熟透，今年迎來第一次豐收。大哥滿足地，向記者遞上一罐罐金黃色蜜糖。辛苦嗎？
「辛苦，但係又有得玩，又有蜜糖食，搞得掂仲可以做埋職業，有錢收喎！」童稚的笑臉，在三個滿面汗水的養蜂人面上掛起。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android