【本報訊】「丁屋政策喺時候了斷啦！」《竊聽風雲3》戲情講述丁屋政策結束，但卻變成丁屋大廈。土地正義聯盟昨深入新界原居民「地頭」元朗舉行慈善電影放映會及座談會，在戲中被影射為「土豪」的上水鄉委會主席侯志強昨豪言：「丁屋政策係為咗顧全香港人大局，新界人自己土地、自己屋、自己畀錢起，究竟過唔過份？冇攞政府資源。」他更揚言，若取消丁屋政策，將有約70至80萬新界人輪候公屋。
原居民指《竊聽3》抹黑新界人
土地正義聯盟及「土地教育基金」昨下午在元朗戲院舉行《竊聽風雲3》慈善放映會，盼透過放映會令更多市民思考土地不是商品、不應該用作炒賣。原本應邀出席的十八鄉鄉委會主席梁福元、上水鄉事委會主席侯志強突然「放飛機」缺席放映會，至完場後才現身座談會。
戲中林嘉華飾演的角色疑似參照梁福元，他昨在座談會上解釋缺席放映會，因日前已率先到戲院欣賞，又指「10年冇睇過戲」，批評劇情誇張失實、譁眾取寵。
台下亦有十八鄉的村民高呼《竊聽3》抹黑新界人，將新界人講成土豪劣紳，與現實不符，十分浮誇，又指現場新界人已經好容忍，「再抹黑新界人，都幾難出到元朗」。劉青雲的角色也疑似參照侯志強，侯強調新界原居民的丁權「唔係乜嘢特權」，而新界人無權享受香港房屋福利。
社民連立法會議員梁國雄、土盟成員朱凱迪、古洞北發展關注組主席李肇華及打鼓嶺坪輋保衞家園聯盟成員張貴財等，都有出席放映會及座談會。李肇華強調，土地應用來種植，不應買賣。
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp