當年《靚妹仔》的長樂街Peter仔麥德和，屈指一算已是「佬」一名，在夜蒲史中算得上是一代人物，他為當年愛蒲的少女作出平反，他說：「以前好單純，邊度有得玩就會去，但只係求入場玩唔使錢。以前吸毒先叫做壞，媾女嘅唔多，唔會有其他嘅關係。𠵱家就唔係，係搵錢嘅。」他認為跟社會環境轉變有關：「𠵱家嘅社會有錢咗，但係一樣有冇錢嘅人，佢哋就要搵出路。當然有啲女仔會enjoy，不過亦都有啲係為錢而出嚟做。」
冇Irene唔會演
麥德和當年拍罷《靚妹仔》就已轉行營商，現為音響公司老闆生意額過億，大家到K場所用的碟又或者歌手的咪，有可能是他家工廠的產品。他自爆14歲時已經以童工身份在夜場打碟，之後與林碧琪成為《靚妹仔》男、女主角，與當年相比，今日再拍《微交少女》，他笑說：「當年做𡃁仔、今次做阿爸、希望下次做阿爺。當時都好爽快答應，不過如果冇Irene的話就未必接喇。一見到Irene，即刻好似後生30年咁。」講到當年的傳奇人物林碧琪，息影後專心相夫教子，Peter仍希望可再次合作。曾與對方見面的他說：「佢冇乜變，keep得幾好，佢當年已經好有性格，好似大家姐咁。」雖然已貴為大老闆，不過他似乎對幕前工作不太抗拒，又對後輩讚口不絕，他說：「人人識嘅嘢都多好多。佢哋個個都好入戲。其實拍攝就同當年差唔多，劇本已經好寫實咁講晒時下嘅𡃁妹係點，佢哋嘅對白好直接，唔似得我以前咁怕醜，唔識講粗口，當然𠵱家就梗係好流利啦。」
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp