【壹週刊】台灣有個女歌星以化名「星星兔」唱歌，仲成日以大大個可愛嘅兔仔頭套示人，莫非…佢唔見得光？
星星兔表示佢唔想露出自己個樣，因為佢希望大家將注意力放喺佢嘅創作入面，所以就創作咗呢個星星兔嘅頭套，笠住自己個樣。
星星兔嘅第一首歌《一歌十唱》喺台灣初試啼聲，唔少樂迷都問「究竟邊個係會唱歌嘅兔仔呢」？精通多種語言嘅星星兔已經引起香港樂迷嘅注意，唔少人都留言估佢係邊個。不過佢就話唔會表露真身，佢仲想借星星兔呢個形象將歡樂同正能量帶俾大家。
星星兔嚟緊仲會衝出地球，成為第一位上太空拍MV嘅歌手，究竟佢嘅升空計劃成唔成功呢？《壹仔》會為你全程直擊！
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android