【壹週刊】每年一度的悉尼藝術節Vivid Sydney 就係五、六月舉行，連續十八個夜晚，歌劇院、當代藝術館、海關大樓等等，全變成立體大銀幕，上演璀璨搶眼的燈光show。
呢個集燈光匯演、音樂會同創意藝術交流大型節目，今年海旁就有五十幾個燈光藝術裝置。還有LED 燈互動變色海港大橋、發光大白兔等等。每晚六時準時亮燈，沿岸逐件睇到半夜十二點熄燈，都睇唔晒。十八天嘅燈光將海濱變成一家大細嘅遊樂場，夜空下，想像可以無限遠。
見識過Vivid Sydney燈光璀璨，到朝早，遇上悉尼嘅初冬嘅好天氣，當然要坐小型飛機啦！小型飛機可以坐十二個乘客，大部份都係窗口位唔使爭。機司會帶大家飛到離市 中心稍遠餐廳，機程忙著睇風景，廿分鐘機程眨眼就過。原來唔少人喜歡喺機上求婚，究竟有幾多，連機司都話難以估計。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android