【翠蕭芝三角】蕭正楠撇何傲芝戀上黃翠如，不僅令翠如BB被封姣B，更打爛翠如BB跟洪永城這對老拍檔的金漆招牌。過往二人以螢幕情侶姿態主持的旅遊節目，平均收視分別也超過20點（約128萬觀眾），但自爆出「翠蕭戀」後播映的《走過足球聖地》，平均收視從不過19點（約123萬觀眾），及至上周二本報踢爆翠如BB跟蕭正楠沙灘浪漫拖手後，周三（4日）和周四（5日）收視更跌至平均16點（約104萬觀眾），成為二人拍檔以來新低。據知電視台有高層認為翠蕭戀公開後，觀眾對翠如BB跟洪永城這對假情侶已不受落，難再吸引觀眾。
認洪永城做兄弟
翠如BB昨日和洪永城到沙田出席活動，對於日前跟蕭正楠沙灘拖手斷正，翠如BB說：「普通人做普通事，反而我想知攝影機喺邊。」談到當日她以手掂男友的嘴代錫，翠如BB稱只是角度問題。問是否不想在公開場合錫錫？她說：「公開場合唔會做呢啲，只不過普通人喺普通環境裏面，呢啲好小事，只係普通人做嘅嘢。」
對何傲芝拒絕祝福，翠如說：「唔好刻意回應某一人某一事，希望每個人都開心幸福。」何傲芝暗寸二人拍拖高調，對此翠如BB說：「如果我知有cam（攝影機），我就唔會選擇呢啲地方。」
翠蕭戀公開後，翠如BB與洪永城情侶檔幻滅，節目收視未如理想，二人解釋是因觀眾對足球興趣不大，會否不再以情侶檔合作？翠如BB說：「從來都唔係情侶檔，係兄弟檔同家人檔，我哋感情比情侶更昇華。」不擔心蕭正楠呷醋？她說：「咁要問佢先知。」
此外，日前《走過足球聖地》中，翠如BB疑遭老外球員胸襲，但她昨表示球員是同性戀者，當時只觸碰其手臂。
採訪、攝影：白白、黃曉妍
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp