細妹男友拖巨聲女搵食姜文杰寸鄭俊弘多女埋身

細妹男友拖巨聲女搵食
姜文杰寸鄭俊弘多女埋身

【大坑】鄭俊弘跟姜麗文(Lesley)發展地下情多年,感情一向穩定,然而,前晚9時半記者卻發現鄭俊弘背住Lesley偕《超級巨聲》出身的王嘉儀到大坑「搵食」,二人有講有笑並肩而行找食肆開餐。

鄭俊弘前晚背住姜麗文跟王嘉儀到大坑「搵食」,二人全程有傾有講相當開心。

二人途經民聲冰室也有視察環境,但最後過門不入。

鄭俊弘與姜麗文發展地下情3年,一直拒絕公開承認女友身份。資料圖片

邊行邊講笑

鄭俊弘與OL打扮的王嘉儀於大坑現身,二人前後到過多間食肆門口巡視環境,男方又不時睇手機搵資料,明顯在找地方醫肚。二人逛了足足半小時仍未有心水地方落腳,過了沒多久,鄭俊弘發現記者拍照後即與王嘉儀閃落天后港鐵站,認真此地無銀。
記者昨日致電Lesley兄長姜文杰時,他暗寸鄭俊弘多女埋身說:「講真阿Fred紅咗之後都預咗好多女仔主動去識佢、搵佢,我覺得冇所謂嘅,但小心啲識朋友啦,畀啲妹妹仔過橋做單新聞就唔係咁好啦。」現時Lesley跟鄭俊弘感情狀況怎樣?姜文杰說:「佢哋友情絕對冇問題嘅。」
鄭俊弘昨在將軍澳出席活動時,揚言沒需要向Lesley備案,強調跟王嘉儀純屬朋友。

姜文杰寸鄭俊弘多女埋身。資料圖片

姜麗文病倒

記者昨致電Lesley,但一直未獲回覆,原來她身體不適病倒,問姜文杰Lesley是否激到病?他說:「唔知喎,佢瞓吓覺,匿埋休息吓,我諗冇乜嘢嘅,可能呢排一熱一凍病咗啦,應該有人照顧佢啩。」
採訪、攝影:楊浩賢、畢紹基、潘冠恩

【壹錘定音】星期一至五,早上8點開咪!
http://hammerout.hk

立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp