最近中國財政部提出一份新諮詢文件,日後內地企業來港上市,審計工序必須由內地核數師進行,但報告由香港公司簽署。一旦實施,形同禁止本港會計師在內地工作,但承擔的風險卻大大提高。
當日,約了個會計佬朋友食飯。
「教識晒班內地同胞之後就返去落閘,唉……」
「𠵱家佢哋嚟香港上市呀,唔畀班香港會計師掂數,但又要佢哋簽名孭飛,有冇人肯簽?」
「就好似叫你嚟食飯,但唔畀飯你食,但又要你埋單,你制唔制?」
「埋單唔見錢事小,有乜事分分鐘停牌就係咁先,呢張單都貴咯。」
天氣酷熱,我們兩個人都要在加班後才能出來飯聚,加上提出這個新規定,躁上加躁,自然大罵特罵。
還有,倘若新規定一旦落實,不難想像會計師行將會大幅削減香港初級會計師人手,每年數以千計的會計畢業生,恐怕從此搵食艱難矣。
很多人都說,做會計不會讓你發達,但至少不會讓你餓死,但我想說句中肯話,不發達不餓死的行業,除了會計還有很多選擇。
每當有新人加入,知道他們努力考取專業試,邊工作邊讀書的拼勁,讓我想起當年的自己。若問我有沒有入錯行,我會說,經過多年工作,接觸的人和事,得益不淺,至今還沒遇到一個值得讓我離開這行的重大理由。
有人辭官歸故里,有人漏夜趕科場,命運由天,選擇由人。
蔚薇 Hong Kong CPA
http://www.facebook.com/waimei2013
【壹錘定音】星期一至五,早上8點開咪!
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp