前日本報就報道過金秀賢為咗粉碎同G.E.M.之間嘅離奇緋聞，於是就使出3招－分酒店、拒合照、零交流(新聞連結: http://bit.ly/1hCP5sl )，目的就係唔想外間再有不必要嘅揣測。
對於首次合作就遭冷待，紅爆內地嘅小天后G.E.M.就梗係唔多like啦，佢就透過經理人回覆話:「我哋全組人，包括經理人同助手都冇睇過佢套《來自星星的你》，係導演話俾我哋聽先知佢有幾紅。可能大家言語不通啦！我唔識韓文，佢唔識英文，溝通唔到都有笑吓嘅。（佢好似好防備你喎）佢忙，我比佢更忙，我要拍好多shot冇時間交流喎.....都係為做嘢啫。」
網民睇完之後都紛紛話G.E.M.串過碼頭咕喱，更有網民睇唔過眼，就將G.E.M.喺今年3月4號嘅facebook status貼出嚟：我偉大的經理人Tan告訴我昨天有媒體邀請我和他上太空！OMG，這是要逆天啊！完全不用考慮，趕緊答應！我一定要去！！！(這消息我忍不住，太興奮啦，哈哈哈！)看來我要做好準備偶遇都敏俊，哈哈哈！
其實今次已經唔係G.E.M.第一次講大話啦，佢曾發表過「想同特首講聲加油」嘅偉論，喺上年年尾網民搞嘅熄電視行動到，就話自己冇開電視好多年，唔係好睇劇，但隨即被網民踢爆煲劇煲到模仿劇中人物，仲誇到受埋傷，嗰陣佢就話：「我從凳子上站起來，模仿嘉樂從沙發一站起來就暈倒的情況。結果現在，我因為模仿得太神似太投入，我的膝蓋擦損了。」唉....真係唔敢睇........
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp