翠如BB疑似「遇襲」？「雪雪雪」，你去咗邊呀？快啲救BB啦!不過當時遠水難救近火，而且「雪雪雪」當時仲係用電話遙遠咁冧緊BB，幾想都好，亦難以親自救駕呀!
話說早前翠如BB同洪永誠去拍節目，仲去咗一個球場觀摩，全男班上陣，得翠如BB一個女仔。咁男子足球當然係全男班啦，咁翠如BB都唔係齋坐嗌Yeah，監製俾咗個任務佢，就係要求大家俾佢試踢一球兼入網，然後感受一下被隊員圍抱嘅感受。
就係咁，全隊人夾埋個龍門一齊做咗場大龍鳳，俾翠如BB連射兩球，當然姿勢同力水都係「意料中事」，但都俾佢入到(根據「劇情」安排係一定入到的)。跟手呢，眾男隊員就好似大家平時睇賽事咁，一有隊友入波，眾人就一擁而上happy撲地——將入球功臣撲喺地，然後人疊人咁撲埋去攬實——咪住，成班都係麻甩佬，但翠如BB，係女喎!
鏡頭所見，眾球員真係好hyper咁，一個二個撲埋翠如度，重重將佢「責」住，更有讀者報料指其中一個鏡頭見到有球員掂到翠如BB左胸，但係睇番條片，翠如BB基本上一落地，已經雙手抱胸守護住自己重要部位，而且眾球員似乎都只係掂到佢隻手同膊頭，唔多似掂到咪咪。而且，唔記得講，呢個球隊，成員都係愛人同志，可能佢哋都係將BB當成好姊妹而已。
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp