事隔多年，古仔又再次要勾起大家愉快的回憶，前晚在《Z風暴》首映，古天樂取笑盛君用「都唔知佢講乜！」的廣東話分享拍攝感受，即刻令人聯想起當年古天樂的「輪軚能」廣告，當時古仔用不能再爛的普通話賣輪胎廣告，紅遍大江南北，更成為一時佳話。
「都係玩吓啫」
新片《Z風暴》首映在九展舉行，一眾演員古天樂、林家棟、陳靜（DaDa）、內地女演員盛君、曾國祥、導演林德祿和監製莊澄都有出席。台上演員逐一講出拍攝感受，盛君努力用廣東話講解自己拍攝感受，之後接棒講感受的古仔竟然說：「都唔知佢（盛君）講乜！」古仔五十步笑百步，隨即被現場記者追問盛君的廣東話，似不似他的普通話？古仔大方應對：「我都有跟盛君請教普通話㗎，樣樣都要學吓嘛！」古仔輕易將危機化解，還反客為主，大讚盛君是個好勤力的演員，他說：「我都係玩吓啫，盛君係一個好勤力嘅演員，佢好肯用廣東話講對白。」
DaDa盛裝赴會，雖不敵廣東話不正的盛君，DaDa仍然努力滿足大家的要求，擺出各式各樣的姿勢給大家影相，其間古仔又爆肚說：「DaDa成日都着成咁，對手穿唔入衫袖入面。」DaDa反擊說：「係韓風嚟㗎！」DaDa表示不介意性感，但希望可以更fit，她說：「唔係磅數嘅問題，想個人firm啲。我太鍾意食嘢，不過公司對我好好，冇逼我減肥。」修身成功，會不會着比堅尼賀票房？DaDa說：「瘦啲先啦！」
採訪：文國駿
攝影：陳順禎
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp