【本報訊】壹傳媒工會響應「今日我發SING！」，召集員工在集團總部大堂齊唱《問誰未發聲》。壹工會理事長李家聰形容同事反應理想，全因此曲意義重大。歌詞提倡為社會發聲，更加是新聞工作者的天職。他希望藉此感染更多市民，遇上不公義時挺身而出，簡而言之，就是「做人唔好咁鵪鶉」。
每人都應珍惜言論自由
工會短短一天呼籲，就有40多名員工響應。大夥在6月3日，即六四前夕，百忙之中抽空錄影。縱使五音不全、拍子不齊，但憑誠意搭夠。
李家聰強調，此曲主旨並非支持任何運動或人物，只是秉持作為一個人的價值，不論是記者、警察、清潔工、文員，各階層市民都應該發聲，「偏偏喺香港，咁簡單嘅做人道理，好多人都唔知㗎喎」。
香港新聞自由正值寒冬，李家聰也希望藉此曲提醒大眾，每個人都應珍惜新聞、言論和表達自由，「就算政府好定唔好，你都有權出聲，唔好坐以待斃、逆來順受」。雖然近年更多人投身社會運動，但大多數仍然沉默，「咁對自己同個社會都冇好處」。
根據極權政府的邏輯，壹工會此舉必定是受老闆黎智英指使。李家聰對此不以為然，因壹工會經常批評公司政策，有時甚至令管理層尷尬，「有啲人會將呢啲行動歸類為『政治』事件，我哋唔會俾呢啲詞語框住，覺得應該做就做，香港人亦應該有咁嘅諗法」。
改編自《Do You Hear The People Sing》的《問誰未發聲》，《蘋果》早前發起一人一句、全港串聯，至今已經收到近540段自拍短片投稿「今日我發SING！」活動細節可瀏覽《蘋果》facebook專頁（ http://fb.com/hk.nextmedia）。
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp