【本報訊】一煲靚飯，重點在米不在煲。港人最常食的是泰國絲苗米，質素穩定及軟硬適中。米商李豐年指要分辨靚米，可從米身大小、形狀及顏色着手。
「飯靚唔靚唔係睇個飯煲，係啲米嘅質素，廚師點叻都好，材料唔好，點煮一個好嘅白飯呢？」李豐年說自己家裏用僅數百元一個普通電飯煲，他指花萬元購買一個電飯煲，也不及用瓦煲煮飯好吃。
港人多食泰國絲苗米，上月海關搗破的家庭式經營冒牌米，便以劣質泰國米混入正牌金鳳米內，再裝入偽造的金鳳米包裝內，每包25公斤售300元，較正價380元平約兩成，有市民購買後發現白米無法煮熟才揭發事件。他解釋，真正白米不會出現「煮唔熟」情況，可能是劣質米的米心較硬，令人以為未煮熟。他指要揀靚米，米粒大小要平均，米身瘦長，顏色呈米白色，若色白如紙及帶黃，或米身出現白點，均非靚米。此外，白米受潮後有機會發霉，肉眼難以分辨，若聞出霉味便不要食用。
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp