【本報訊】陳日君樞機昨接受烽煙節目《壹錘定音》訪問時透露，前特首董建華過去曾表示想與他「傾偈」，但現任特首梁振英卻連與他「傾偈」都表示不願意，「梁振英現時好似唔需要睬我哋，所以我同佢對話都多餘」。
他又稱中聯辦官員亦拒絕將他的意見轉達北京，因中央不想聽，陳樞機批評北京根本不想聽真話。
「梁振英唔睬人 對話多餘」
陳日君在節目中說，董建華曾主動找他「傾偈」，「佢（董建華）係咪好自由，可以講想講嘅嘢，係另一件事，但佢至少有表示想傾偈、有謙虛的態度，好似對我哋都開放，但現時梁振英好似唔使睬我哋」，故此認為現時與對方「對話都多餘」。主持此時問到，《聖經》十誡是否包括不能「講大話」時，陳日君笑說「當然包括，呢點好緊要」。
陳日君又指，中國政府現時最大問題，是不歡迎人民講真話，早前他曾與中聯辦官員接觸，要求對方向中央轉達會談內容，但對方卻表示「唔傳得」，因中央不想聽到這些聲音，陳樞機質疑對方「你問我做乜啫？都唔聽真話」。
陳又指中聯辦官員曾私下批評他「成日大聲講嘢」，他則駁斥：「細聲講嘢你哋唔鍾意聽，咪惟有大聲講嘢囉！」
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp