今年六四悼念集會有逾18萬市民出席，無疑對支聯會打了一口強心針，因為面對「愛字頭」全面抹黑下，仍有這麼多人出席集會。有支聯會常委笑言，或許要「多謝」北京「出錢出力」，曲線為支聯會動員更多支持平反六四市民出來。
有支聯會中人說，前晚集會中，他遇到一些過去幾年沒有來、今年特別到維園撐平反六四的人，均說全因「愛字頭」為中共否定屠城、並在六四遊行日向遊行人士「挑機」所致，「好多市民就係畀呢班打手辣㷫，今年都要特登嚟，話畀佢哋知港人冇忘記平反六四」。
支聯會主席李卓人也相信，「愛字頭」全面抹黑支聯會，刺激更多市民出席集會，笑言北京「出錢出力」支持這些團體對付支聯會，為六四燭光集會曲線動員群眾。
至於某些自稱本土派不斷抹黑支聯會及平反六四，據聞支聯會策略是「唔同佢哋癲」，回應等同給他們曝光機會，「就算計後生仔支持者，支聯會都一定多過佢哋，學民思潮、學聯、公民黨動員年輕人都多過佢」。而他們所謂要中共倒台，「淨係叫人只要信佢哋，中共就可以倒台，真係唔知佢哋想點」。李卓人更笑言，有本土派之前咒罵六四集會，要作法五雷轟頂，「真係得嘅話，我都想佢快啲作法，叫玉皇大帝、天兵天將消滅中共，咁咪可以平反六四，支聯會咪唔使搞六四集會」。
季陶
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp