【亂噏24】方中信和林家棟在《竊聽風雲3》飾演同鄉兄弟，因為一個女人反目成仇，引發無可挽回的結局。現實中，方中信有美滿家庭，時刻要抗拒狂蜂浪蝶，家棟仍然是孤家寡人，每提「戀愛」二字便笠水（即驚青），性格可謂南轅北轍。讀者可在 http://bit.ly/appletalk24重溫今集《亂噏24》。
撰文：馮國康、Sidekick
今集《亂噏24》繼續由方中信及林家棟擔任嘉賓。陳淑莊（Tanya）直覺以為方中信應該是相當活躍的人，今日一見卻有很大反差，她問：「係咪結婚前後都係𠵱家咁溫柔同比較靜？」方中信聞言瞪起大眼，並說：「其實我唔溫柔喎，但我唔主動，所有嘢都係老婆（莫可欣）搞掂晒，所以我一生都交低晒畀佢！」
唔急執導
夫形象入屋，黎智英（肥佬黎）問他：「喺內地有冇好多女人追你？」他淡淡地答：「我話冇都係呃人啦，flirt吓你實有嘅。多一事不如少一事啦！一有少少眉目，都要同佢表態。」肥佬黎也覺得方中信可以遠離桃色陷阱：「我覺得好多男人惹女人係放電，啲人話女人好麻煩，但你唔放電，冇女人會黐你。」更認為跟女人談戀愛，花盡時間也無可厚非，但為了片刻歡愉去媾女而名譽掃地，實在不值得。也許，彭順應該引以為鑑。
家棟則完全沒這方面煩惱，基本上沒有靚女埋身，家棟解釋：「我喺內地可以做隱青，我唔使開工可以成個禮拜喺酒店房唔出去。」原來他正構思一個電影劇本，講述兩名生活頹廢的「廢柴」，如何經過相處而自我反省。肥佬黎問：「有冇啲人係你遇過，係劇本嘅model？」家棟說：「都有少少嘅。」
Tanya看過家棟監製的《打擂台》，也期待他當導演，但家棟表示想監製多幾齣電影，吸收足夠經驗才轉執導筒：「我覺得𠵱家啲電影冇咗主題，我好希望自己做好啲。」不說不知，家棟經常跟編劇討論劇本，藉此吸收創作靈感，他的幕後朋友比幕前還要多。閒時會執筆的肥佬黎，認同靈感需從日常生活中吸取，部份竟然來自神父！他說：「我好多時約神父去食飯傾偈，就係想攞啲人去告解嗰啲古仔，好多變成自己寫作嘅藍本。因為你完全創作實死，一定要有基本嘅model，用自己想像將model再發揮。」
彭浩翔之前在《亂噏24》說過，拍港片甚少要求演員試鏡，通常都是導演認為誰能勝任便找誰演。肥佬黎認為這樣會扼殺演員突破的機會：「你發掘唔到演員另外一面，呢位演員又變相少咗一個發揮機會。𠵱家咁多演員點解會定咗型？因為冇咗audition。」他認為連挑選演員都變得常規化，便沒有創意空間，電影圈隨時就此玩完。
家棟稱開戲前，都會跟編劇、導演商量撞橋，務求創新求變：「我都唔鍾意墨守成規，成日問『點解一定要咁？』」
提到現今的藝術片及商業片，界線比較模糊，肥佬黎認為世事沒兩全其美，又想拍出王家衛的藝術風格，又想票房大賣，結局往往都是悲慘，他說：「好多人個理想做死佢，實情你諗法越簡單越直接，可能仲感動到人。你又呢樣又嗰樣，鏡頭又要好似詩意咁，但齣戲唔係詩，咁你咪仆街囉！」他又以某位著名作家為例，稱對方將太多複雜情緒注入電影中，令觀眾看得不明不白，他雖沒指名道姓，但也呼之欲出，難怪Tanya笑說：「都好白喎！」
捨棄為先
家棟覺得作為創作人，最重要學會「捨棄」，肥佬黎認為這句話相當精闢，也是他當年經營Giordano時學會：「啲designer設計完啲衫，掛晒喺房度，我哋嘅工作就係負責篩選。」他認為假若不肯忍痛捨棄，最終只會壞了全局。家棟說：「最緊要係對自己狠心，肯面對就得。」不過肥佬黎稱有時會作出錯誤抉擇：「好嘅嘢丟咗，壞嘅嘢留低，因為自己好難有客觀，就好似戀愛咁……」家棟一聽「戀愛」二字又漲紅了臉，猛嗌「笠水」。
常言道人生如戲，家棟當年在電視台時感受最深。話說94年電視台開大會，所有劇組幕前幕後都要到場，讓家棟見識到大場面：「萬子哥（萬梓良）喺度發言，當時大家都好擔心佢係咪情緒好激動，係咪同高層有拗撬。蝦叔（關海山）話『𡃁仔，呢啲咪戲囉！人生如戲呀！』」後來家棟參透了這話的含意，就是任何人都不會將最真實一面給別人看，肥佬黎卻不太認同：「我認為真正能夠感人，係完全真嘅。」
討厭奢華
家棟演出過舞台劇，感覺跟拍電影、劇集完全兩回事，提到秘訣，他說：「目空一切！」言下之意是要完全投入角色，忘記有觀眾的存在：「因為你要高度集中精神，同埋你享受緊同對手嘅互動。」他又表示很討厭金碧輝煌的背景及奢華的道具，認為舞台越簡單越好：「我咪道具嚟囉，加咁多道具做乜呢？」
藝人壓力大，容易患上抑鬱病，肥佬黎問家棟可有抑鬱？他答：「我好樂天喎，就算失戀都係傷一個禮拜！」Tanya即取笑他N年前的事還記得。肥佬黎乘機試探他失戀過幾多次，家棟答：「兩、三次啦！」肥佬黎死纏爛打：「最後一次失戀係幾時？」逼得家棟只有招供：「早兩、三年啦，基本上我同普通人冇乜分別，我哋喺鏡頭以外咁平庸，引起唔到記者注意。」
方中SIR自認大滾友「後生時都滾過」
http://bit.ly/talk244801
作家拍戲好複雜 詩情畫意冇人明白
http://bit.ly/talk244802
創作唔止靠食腦 手起刀落咪拉布
http://bit.ly/talk244803
家棟︰「識做戲，一定係萬子哥咁好戲！」
http://bit.ly/talk244804
家棟寧做佈景板 太多道具仲麻煩
http://bit.ly/talk244805
拍拖失戀咪怪人 自己都要負責任
http://bit.ly/talk244806
大把女人送上門 方中SIR閂唔閂門？
http://bit.ly/talk244807
藝人宅男有邊個？ 家棟自認第一個
http://bit.ly/talk244808
真正彈性上班 零晨4點仲要度橋？
http://bit.ly/talk244809
家棟鍾意應酬幕後 編劇最幫得手
http://bit.ly/talk244810
女人五時花六時變 方中SIR為老婆改變
http://bit.ly/talk244811
有丁就有地 新界丁權有冇道理？
http://bit.ly/talk244812
丁權賣唔賣得？ 土地挑起利益衝突
http://bit.ly/talk244813
唔做忠唔做奸 方中SIR演活灰色角色
http://bit.ly/talk244814
家棟自立門戶做老闆 劉華大力撐
http://bit.ly/talk244815
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp