被視為金融界「黃金證書」嘅特許財務分析師（CFA）考試，今個禮拜六將於全球各地同日進行。根據 CFA協會資料，今年6月考試，共有15萬考生，香港有6,281位，較舊年少286人。不過乜都搶一餐、乜試都考嘅中國考生，數目就大幅飆升11%，成為亞太區之冠，今年就多咗2,644位，去到25,657人，佔全球考生數目達17%。
CFA雖然每年夏季同冬季有兩次考試，但考試分三級、出名難度高，苦讀半年，考在一朝，如果肥佬，明年再嚟過。每級考試，一般考生需要半年時間準備，而考完第一級及格後，始能考第二及第三級，後兩級每年僅在夏季能應考。CFA及格率近年不斷下滑，舊年第一級及格率只有38%，第二及第三級同樣低於五成。按機會率，一TAKE過、三年過三關成功Charter，成功率低於兩成。
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp