曾任城大校董會署理主席嘅柯清輝（柯大俠），結束賓架生涯後，仍然活躍於財金界，𠵱家主要做緊思捷（330）主席。城大噚日又宣佈，將會頒授榮譽博士學位畀柯大俠，令佢多一個銜頭，大家遲啲見到佢可以叫佢一聲柯博士或者Dr.柯。
頒受儀式將於今年11月喺城大舉行，愛滋病研究權威何大一教授同埋裕華集團主席余國春都會一齊獲頒榮譽博士。有呢個城大榮譽博士學位嘅名人都唔少，例如立法會主席曾鈺成、影星周潤發。
2011年梁振英走去選特首而辭任城大校董會主席，時任副主席嘅柯大俠頂上做署理主席，之後佢放風搵人，2012年2月搵到孫德基做，但轉頭孫德基被委任為審計署署長，6月離任，到10月先搵到胡曉明做主席。今日柯大俠唔喺校董會名單上，但就獲頒榮譽博士，算係表揚。
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp