4月零售按年大跌9.8%，雖然部份是由於去年搶金潮拉高了基數所致；但撇除這影響，零售表現轉弱，仍是不爭的事實。
近日六福（590）尖沙咀彌敦道一間分店傾續租，原本租金只係70多萬元，業主要求加租1.6倍，但據講六福只係肯畀20%以內的加幅，雙方差距大到無倫，最後六福決定棄租。
改變租舖策略
聞說六福的租務部最近改變策略，由以往鍾意在旺區同一條街，同時租用一大一細的店舖；至現時已改為只租大舖，細舖會放棄。這反映商戶在政策風險下，對前景相當睇淡。
係咪可以寄望5月市況會有好轉？零售管理協會日前就透露，據旅發局初步數據，5月份無論係整體旅客、還是內地旅客人數，增長都唔會再有雙位數。而1至4月，兩者係分別增長緊14.2%及18.7%。可想而知，唔單止旅客消費力跌緊，𠵱家係連人數增長都急速放慢，而且很可能會成為趨勢。
在市道轉弱下，政府檢討自由行政策時，應該要好小心。2013年透過「一簽多行」進出本港的旅客人次，多達1,220萬；但值得留意的是，當中實質過境的旅客人數，其實只得150萬人。咁即係代表，每個簽證持有人，去年來港數目平均達八至九次。你話呢啲人唔係來港買洗頭水和藥油，唔通係去迪士尼？如果要舒緩本港迫爆情況，同時又避免立即對行業造成太大衝擊，限制一簽多行，相信會是較可行的辦法。
海迪
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp