暑假臨近，又到各路𡃁模影寫真之時。黃榕為推出第四本寫真，早前狂跳舞減肥準備開工，日前她為新寫真到位於觀塘的鋼管舞學校進行拍攝，身穿白色比堅尼的她於鋼管上轉來轉去，做出雙腿夾柱、倒豎葱大鵬展翅等倒奶動作，這些動作最着重臂力和腰力，而她每拍攝一小段後，又認真地與外籍攝影師討論細節。
背部全裸彩繪
黃榕之後換上粉紅色比堅尼繼續拍攝，擺出多個性感姿勢，她說：「學咗pole dance（鋼管舞）半年，平日好鍾意跳舞同做瑜伽，如果仲好似以前咁影會好悶，所以想加更真實嘅自己入去。今次新寫真由四個攝影師幫我影，我會寫文分享減肥心得。」除性感鋼管舞外，還有人體彩繪造型，她說：「完成咗一半，到時會背部全裸影人體彩繪，我鍾意紋身，不過女仔唔方便有太多紋身，有位紋身師幫我設計圖案。」
為何不以正面示人？黃榕說：「怕尺度太大膽，全裸相我會影，不過就唔會公開，留畀自己同第時老公就算喇！」每年書展，𡃁模都因推出寫真而掀起連場罵戰，對此黃榕說：「唔擔心，做好自己緊要啲，我都係想自己有美感先影，暫時冇諗過要停。」
採訪、攝影：藍文浩
【壹錘定音】星期一至五，早上8點開咪！
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp