【啟晴邨槍擊案】
【本報訊】「我細佬從來唔買報紙、唔睇八卦雜誌！」冷氣技工廖啟中被街坊李德仁連轟三槍身亡，留下多個未解謎團，昨日爆出李的長女Liddy是彭順小三，不少網民揣測廖是否批評Liddy的緋聞惹殺身之禍，但廖的胞姊昨接受《蘋果》查問時，斬釘截鐵指胞弟絕不會留意八卦花邊新聞，斥有關推測無稽。
記者：劉柏麟 徐雲庭
昨早，廖家三名女親友到殮房認屍，包括叫「阿艷」的廖妻，各人神情哀傷，認屍後不發一言離開。據悉，警方事後在廖的獨居單位內徹底搜證，結果搜獲小量大麻，相信是自用，警方亦撿走其電腦，電話通訊紀錄等，交商業罪案調查科科技罪案調查組找尋蛛絲馬迹。
43歲廖啟中是北京人，10餘歲隨家人來港，年輕時曾干犯偷竊及藏毒而留有案底，多年前在內地娶妻，妻子「阿艷」在內地做美容工作，事發後趕來港。兩人育有一子現年5歲，廖妻仍居內地，兒子在港讀幼稚園，交胞姊照顧，其胞兄亦住在東九龍區，一家人感情好。廖當冷氣技工逾10年，案發當日因加班夜歸，豈料卻遭槍殺。
槍手與死者社交圈子無重叠
廖姊昨表示，啟中性格沉默寡言，絕不會留意娛樂新聞，他一向不買報紙、八卦雜誌，只是間中看電視晚間新聞，她強調：「從來未見過佢睇八卦新聞！」故不相信啟中因八卦Liddy的緋聞惹槍手不滿，遭殺身之禍。家人對疑兇的殺人動機毫無頭緒，仍有待警方調查。廖姊又透露，家人已着手處理啟中的身後事，對於他的5歲兒子及內地妻子日後生活安排等亦已有計劃，但不便透露詳情，感謝各界關心。
社署表示，廖啟中並非該署跟進個案，社署已接觸廖的家人，會盡快安排會面，就其福利需要提供適切援助。
至於住在樂晴樓21樓一人單位的廖啟中，為何會被住在大廈10樓的李德仁以極兇殘手法連開三槍將其轟斃，警方仍追查兩人有否任何關連，初步獲得的資料顯示，兩人社交圈子並沒有重叠，警方向鄰居、街坊、廖、李兩家人查問後，亦相信他們互不認識，不似有血海深仇。
據悉，負責調查的東九龍總區重案組人員，連日不斷翻看大廈及附近閉路電視，仍找不到重要線索。消息稱，警方已掌握的資料，是案發前約10分鐘，身穿短褲、拖鞋及緊身T恤的李德仁，由10樓搭𨋢落地下大堂，在大堂徘徊一會後，就步出大廈正門。數分鐘後，廖啟中獨自收工回家，按密碼鎖進入大廈，站於大堂等𨋢，約20秒後，李才按密碼鎖入大廈。未幾，電梯剛到，廖、李、一對夫婦及另一名女住客一同入𨋢，其時廖按21樓，夫婦及女住客按更高樓層，李則沒有按掣。在電梯內除夫婦外，其餘各人均沒有交談，甚至眼神接觸都沒有。
當電梯抵21樓時，廖先步出走廊，李尾隨。電梯關門繼續上升，約3分鐘後街坊聽到三響槍聲，步出查看揭發命案。警方翻查大廈各電梯閉路電視，發現槍擊後未見李的蹤影，推斷他從21樓經樓梯走回10樓寓所。從僅有的資料看，警方不排除排李是隨意選擇對象落手，但很多疑團仍未解。
蘋民洗版
節錄自蘋果日報facebook留言
Ka Yuen
唉！！！你哋放過佢啦~雖然個女仔做錯咗，但係佢已經要承受重大壓力後果之餘𠵱家仲要失去至親，作為一個香港人我真的不想看到再有慘劇發生了!
Stacy Lee
雖然O咗嘴，但都唔好咁，人都死咗，老竇做錯事，個女做錯事係可以鬧，但血緣關係唔好拎嚟鬧，因為親人係無得揀！
Chi Cheung Tai
當我睇到個標題：我腦海中浮現一個字：爆！
Yenki Liu
個女仔好慘，破碎家庭中長大，俾人起晒底，老竇可能因為自己而踏上不歸路……有乜嘢痛得過失去至親。
Eric Wynne Ho
A1港聞同C1娛聞竟然有關？真係離奇定香港太細？
同學
最豐富劇情新聞，由疑似黑幫仇殺->飛虎隊駁火->犯人吞槍->（小插曲：飛虎隊收隊困升降機）->犯人𡃁模女兒搭人夫（城中熱話）。
林白
唔怪得香港拍唔到來自星星的你啦，你叫啲編劇點諗？根本現實社會堅過所有劇集，我哋捕住新聞台好過睇tvb。
Julie Ng
為何老要罵小三？男的一點責任也沒有嗎？他是有老婆還要去滾！人總會做錯事，現在她爸死了，已經很悲痛，難道你們想逼她去自殺嗎？請放過她吧！
Willis Bruce
好似睇戲咁，我以後都唔敢話CCTVB啲編劇爛。
Danny Ng
今朝一睇仲以為邊個咁無聊PS兩段新聞，迷離過X檔案，估你唔到！彭順真係大命，以後拍戲用呢啲做結局先驚喜唔爛尾。
【壹錘定音】6月4日早上8點開咪!
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp