【翠蕭芝三角】現年37歲的蕭正楠飛甩舊愛何傲芝，高調戀上32歲的女神黃翠如，這段三角關係劇情發展精采過宇宙膠劇。繼本報踢爆何傲芝搭上有米奀星張明偉，以報復舊愛蕭正楠劈腿後，前日蕭正楠正式出招，高調與女友黃翠如到淺水灣行沙灘兼睇日落，最後兩人十指緊扣拖手離去，擺明向何傲芝還以顏色。
報復失敗的何傲芝，昨晚出席在跑馬地舉行的藝術活動時，被問到有新歡張明偉一事，她否認說：「冇呀，我哋係朋友，嗰日係成班朋友一齊，只不過係妹妹（何傲兒）有嘢做，所以咪坐佢順風車走。我啱啱簽咗新公司，要專心工作，暫時唔諗，亦未ready有新感情。」
寸蕭正楠高調
對於前度男友蕭正楠與黃翠如被本報獨家直擊行沙灘高調晒戀情，何傲芝平淡地說：「我有睇報道，其實都好健康。」以前又會否拍拖行沙灘？她說：「咁耐以前嘅事已經唔記得！」當何傲芝被問到會否祝福舊愛？她說：「人哋嘅事唔回應！」擺明拒絕祝福。
再問是否再見不是朋友，甚至覺得對方太高調時？何傲芝說：「如果見到會點頭微笑，每個人處理感情嘅方法都唔同，亦都有唔同嘅回憶同經歷，唔能夠相提並論，我自己鍾意低調。」再追問她會否祝福對方？她再度拒絕地說：「其他嘢唔講！」
與此同時，因過往多次傳出何傲芝愛結識馬主，湊巧活動在馬場內舉行，於是問她會否避忌？她說：「我呢10幾年嘅生活都係喺馬圈，呢度係我另一個屋企，好多人話我喺呢度識男仔，我唔係咁樣諗，只係當佢哋係朋友。」
此外，周汶錡亦被問到彭順小三的新聞，她相信只是個別事件，她還說：「我相信個女仔（李悅彤）𠵱家好大壓力，佢咁細個，真係好難面對，希望畀啲空間佢喇！」
採訪：林嘉慈
攝影：葉君海
【壹錘定音】6月4日早上8點開咪!
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp