【本報訊】「激起再難違背的那份良知和應。」新一代民主歌曲《問誰未發聲》，純真的童稚歌聲，令人感動，「綠葉王」艾威說：「如果搵歌星唱，效果一定冇咁好！」沒有歌星參與，就由小女孩、甚至你或我「站台」，唱出心聲，兵來將擋，就如他約滿港視，機會反而接踵而來，電影舞台劇雙棲。
過去兩年艾威就如坐上過山車，在無綫33年、過檔港視、做過主角、失過業，就如無數香港人。
面對荒謬的政府政策，艾威曾經失意憤怒得嚷着要移民台灣，「試過朝早照鏡，唔笑嘅時候原來好唔開心」。在港視風波之中，艾威曾經一度慘成失業大軍。對香港，艾威直言感到疑惑，就如《問誰未發聲》歌詞中的這兩句「為這黑與白這非與是，真與偽來做證」，他說：「黑白越嚟越含糊，小女孩嗰句『誰還未覺醒』，就似當頭棒喝。」
對不公義事情更關心
「就如六四，今年25周年，好多人講要放眼未來，但過去是否就要一筆勾銷呢？」艾威反問。過去，就如大部份只管埋頭搵食的香港人一樣不理世事，但是自從港視風波後，艾威直言對社會上的不公義關心多了，畢竟「殺到埋身」，原來「很多事唔係你唔問唔理就唔會受到影響」。
艾威說：「噚日我先同朋友討論佔中問題，我覺得參唔參與都好，作為香港人，最起碼嘅責任係了解多啲、討論多啲。」「過去嘅日子，肯定係我人生嘅逆境，但點樣令自己開心啲，係我嘅選擇」。就如選擇沉默還是積極發聲，香港人還是有得揀。
改編自《Do You Hear The People Sing》的《問誰未發聲》，《蘋果》早前發起一人一句、全港串聯，至今已經收到超過350段短片投稿「今日我發SING！」，活動的細節可以瀏覽《蘋果》facebook專頁（ http://fb.com/hk.nextmedia）。
【壹錘定音】6月4日早上8點開咪!
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp