可嵐08年出道，出過一隻EP，2010年9月奉子成婚，為了家庭，放棄娛樂大眾，主力待在家中侍候大小男孩。可嵐呆在家中忽發奇想，老公日飲一咖啡，不如學人沖咖啡，專門貼身侍候老公每日一杯咖啡。結果，三年前可嵐成為咖啡師，開班授徒，開闢人妻咖啡之路。
撰文：楊潔雯
因緣際遇，可嵐結婚生仔，還成為咖啡師，感覺好奇妙：「我本身唔係太飲咖啡，但係我先生每一日都會飲一杯咖啡，生咗小朋友之後，就除咗要湊小朋友，都想諗啲嘢學吓，充實吓自己，既然我咁多時間，老公朝早喺屋企都係要飲一杯咖啡，咁不如我都學整一杯咖啡喇！咁好似好sweet好溫馨。」
開店不敵貴租
因為愛，成就了一位咖啡師，可嵐笑笑說：「我由零知識去學整咖啡，都有一定困難，因為我喺同學仔當中認識比較淺，因為咁我接受能力比較強，好奇心又大，我好鍾意品啲味道，品唔品得出隻咖啡有冇果酸，帶唔帶得出隻甜味喇！係好有挑戰性。」
藝人出身，膽識過人，考到認證職業咖啡師牌，可嵐膽粗粗在西貢開咖啡小店，她說：「三年前考到個咖啡認證，之後同同學仔興致勃勃開一間咖啡店，我哋係譽為西貢No.1咖啡，最終都不敵加租，年幾前結咗業。雖然失敗咗，我相信有一日我會再開，因為我好勝，嘻嘻！經營部份我會向我先生學習，因為佢經營餐廳，我會嘗試將兩者平衡，因為咖啡放喺一門生意上面，都係一個學問。」
教兩班當交流
成為真正咖啡達人，要記住S to C，City & Guilds國際認可咖啡調配師兼勵行會ERB咖啡班導師認證的可嵐老師說：「意思係seed種子，由一粒種子，果實來，佢喺邊度長大，究竟粒種子個成熟程度、濕度，再經過烤焙，再落到咖啡師手上，成為一杯coffee C，所以呢個係一個好深嘅學問。咖啡有一個文化，每個國家有唔同咖啡文化，香港人嘅咖啡文化，就係我哋茶餐廳咖啡文化。」
年初，可嵐老師初試啼聲，開班授徒，感覺良好，她說：「教同學我資歷尚淺，我暫時教兩班學生，但係我好開心同佢哋交流，會從學生身上學到最update嘅嘢，我哋會一齊鑽研3D拉花。我都只係教授一啲技術上嘅嘢，可唔可以大展拳腳都要佢哋自己加把勁。」
【壹錘定音】6月4日早上8點開咪!
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp