阿信屋繼零食、家電、凍肉、化妝品後，又有全新搞作！老闆林偉駿透露，將會進軍飲食業，搞麵檔，開「759阿信屋雲吞麵」！阿信屋母公司CEC國際（759）噚日急升一成，唔知關唔關事?
將於長沙灣開檔
林老闆就話，今次開雲吞麵檔源於阿信屋觀塘總部對面，佢覺得有間麵檔好好食，點知最後要執笠。於是佢索性招攬個廚，請佢開新麵檔。
「雖然間舖叫做雲吞麵，不過個廚煮啲牛雜、牛腩真係好好食」！至於店內嘅魚蛋、貢丸等丸類食品，都會用番阿信屋嘅貨，話體現經濟學上嘅「規模經濟」（economies of scale）。
首間雲吞麵於長沙灣開檔，只會有10幾張枱，裝修話貫徹阿信屋風格喎。林老闆話，本來可以早啲落實，不過最近先同上手租客傾掂數，預計搞掂牌照後，2至3個月後可正式開業！
世界盃下周就開鑼，問到阿信屋有否為世界盃作準備，林偉駿稱：「咁梗係必然嘅事！」已特別大量買入歐洲薯片，如英國、意大利，「睇波梗係要大大袋薯片」！阿信屋又引入更多韓國啤酒，亦特別為世界盃首次買入本地啤應市。
【壹錘定音】6月4日早上8點開咪!
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp