美國時間星期一的WWDC，嚴格來講，蘋果沒有公佈新產品，可是新的作業系統，重點不在流動裝置，而是進一步iOS和OS X的「使用者感受」歸一起來。一直以來，蘋果將「使用者感受」，也就是行內人所謂的User Experience（UX），玩得出神入化。以我自己個人的說法，就是用過了蘋果的產品之後「返唔到轉頭」。
將UX歸一，應該可以由一部iPhone，又或者一部iPad，令消費者慢慢中蘋果毒，再買多部MacBook；由一個人用，變成一家人用。這是蘋果一直以來的策略，至今仍然是如此清晰。優秀的公司，可以有簡單直接的策略，都是如此合情合理，但其他人卻怎樣都模仿不了，蘋果的策略，也令我想到了早前見到的一個故事。
推銷員第一天到百貨公司上班，埋數時向組長說：「今天只有一個客。」
「只有一個客？唔好話我唔提醒你，公司規矩每半個月埋一次數，做不到Quota，就冇得留低」。組長善意提醒，畢竟今時今日請人不易。
「個客話要買個電飯煲，我好奇咪同佢吹吓水，問吓佢點解好好哋要買電飯煲。梗係新入伙啦！打蛇隨棍上，原來係舊唐樓，唔包家電嗰隻。結果我sale多咗部雪櫃、兩部冷氣、一部吸塵機。最衰就係sale唔到部電視啦，下次會再落力啲」。
這種家電推銷員，不可多得吧？不，這只是銷售的基本功。很可惜，時下許多推銷員，對產品不熟悉，對客戶又不熟悉；一味爛做，由朝到晚攔途截擊路人甲乙丙，難怪後生仔視銷售為下品，就算走投無路都不願意做銷售。
不，銷售有個人層面，也有宏觀的，道理都是一樣，就是要知道消費者的狀況，比他們更了解他們的需要。有可能嗎？蘋果就可以做到這一點。今天的蘋果，掌握我們的資料，比我們自己更仔細。
數當今幾家龍頭，就只有Google、Amazon和facebook對消費者如此深入的了解，但當中又只有蘋果有能力，將消費者虛無的慾望，變成實質的產品。Google和Amazon，仍然是做貿易到家；至於facebook，距離另外三家又再遠一點。
今次Tim Cook打出大將之風，蘋果也終於可以放下Steve Jobs。
利世民
http://www.facebook.com/leesimon.hk
【壹錘定音】6月4日早上8點開咪!
http://hk.apple.nextmedia.com/livestream/channel/lishow
立即更新Android《蘋果動新聞》app
https://bitly.com/appledailyandroidapp