【壹週刊】喺八九民運爆發嘅時候，中共總書記趙紫陽因為鼓吹改革，深得學生支持，成為黨內以鄧小平同李鵬為首，保守派勢力嘅眼中釘。
我地經過一啲渠道，攞到一批美國嘅官方文件，詳細紀錄左呢位「永遠的總書記」落台嘅經過。
喺呢批官方文件裡面講到，當時社會不斷高呼反貪腐，偏偏趙紫陽兩個仔趙大軍同埋趙二軍，就曾經被質疑，李鵬陣營為打擊趙紫陽，就經常攻擊佢呢個弱點。
民運爆發之後，政治局常委多次開會，討論點樣解決當前嘅政治危機。趙紫陽提出五點要求，包括：宣佈學運係愛國行為；否定426社論；成立特別委員會調查中共高層貪腐，包括趙紫陽自己嘅仔女；公開副部級或以上官員嘅財政狀況；同埋取消對高級幹部嘅特別補貼。但呢五項要求，都被保守派否決。
而鄧小平更加將政治局常委嘅領導權力，由趙紫陽隻手交到李鵬。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android