現年33歲、2005年港姐亞軍嘅陸詩韻，先後同曾文能、林炳昌等傳過緋聞，可惜最後都係無疾而終。一向愛情大過天嘅佢，早年幫前未婚夫吳銘偉（Jeffery）間公司，以董事名義做擔保人借落銀行錢，最後搞到公司清盤仲要俾銀行追數，場官司都仲處理緊。不過詩韻都講過「我都要結婚生仔」，所以同男士行街食飯發展感情都係平常事。噚日有讀者報料，話喺上星期六4點幾，見到陸詩韻同一位年約30多歲嘅男士出現喺屯門黃金海岸一間超級市場，好細心咁喺度挑選美酒同一啲小食，懷疑佢已經從情傷中復原，仲有新對象㖭。
拍拖會講
不過噚日打電話畀詩韻時，佢承認係同朋友去過黃金海岸，但就否認對方係男朋友，佢話：「唉！係普通同朋友買嘢，唔係男朋友，出呢啲報道好影響我啲朋友。當時約咗班朋友喺黃金海岸，我哋兩個負責去買啲酒同零食。我哋唔係拍拖，係真唔怕講你聽，等你恭喜我都好。」近日演出緊舞台劇《尋魂記》嘅陸詩韻，當日應該係趁空閒搵朋友見面。
撰文：馮仁昭
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk