劉嘉玲與鄧永鏘成為生意拍檔，齊齊開鋪賣生活家居用品，關係越見密切，對方更不時介紹國際猛人如英國超模姬蒂摩絲（Kate Moss）給嘉玲認識。前晚鄧永鏘在其中環置地開設的中國菜餐廳China Tang，設宴招待他的多年皇室好友約克公爵夫人莎拉，一家人包括太太Lucy、胞妹鄧霓嫦、鄧霓儀、兒子鄧裕鏗等，嘉玲、廖創興家族成員廖堯城前妻梁煒及黃玲翠等人均為座上客。
「好開心識到佢」
眾人與莎拉晚宴到十時多，身穿黑色deep V長裙、金色刺繡短外套的嘉玲率先與鄧霓儀及鄧裕鏗離開，穿上黑色套裝的莎拉，身形清減了不少，她逐一與賓客錫面抱別，當中與鄧霓儀最為稔熟，不時肉緊抱抱，亦有同嘉玲密密斟，極度親民。現場所見，嘉玲亦十分融入鄧永鏘一家，離開時更接送鄧永鏘兩位妹妹。記者昨日致電嘉玲，她表示：「莎拉今次嚟香港度假，搵老友鄧生見面，鄧生特登介紹俾我識，我都係第一次見佢，佢好nice，佢同我講減肥，瘦咗38磅，身材好fit，好開心可以認識到佢。」
採訪、攝影：畢紹基、吳耀輝
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk