近排最hit嘅電影非《竊聽風雲3》莫屬，呢套開宗明義寸爆新界土豪同新界土地發展嘅電影，戲中一班主角影射新界鄉紳入型入格，令人玩味。土地正義聯盟亦趁熱鬧，本周六下午兩點喺元朗戲院包場，舉辦《竊聽風雲3》慈善放映會，喚起大家關注新界土地發展問題，戲中劉青雲現實版嘅上水鄉委會主席侯志強話咗屆時會捧場。
劉皇發梁福元未應承去
自信喺「型」呢方面同劉青雲各有千秋嘅侯志強，行事「低調」程度同戲中土豪有得揮。佢同八方講，今次答應出席原因好簡單，「就係唔使錢，有人請睇戲，加上好奇心想知道套戲點講」。唔擔心俾人抹黑咩？佢話唔擔心，只係一套戲啫，又話鄉紳圍埋冇特別談論呢套戲，「以平常心看待，我哋唔覺得有乜特別」。如果套戲有抹黑或唔啱睇，點算好？佢笑笑口話會剪布，「呢期興剪布，唔好睇咪剪佢布！」
土地正義聯盟仲邀請緊戲中曾江角色疑似影射嘅鄉議局主席劉皇發，以及戲中林嘉華角色現實版元朗十八鄉鄉委會主席梁福元，但兩人仲未答應出席。如果大家想同侯志強一齊睇戲兼做慈善，可以瀏覽土地正義聯盟fb了解購票詳情。
李八方
mailto:[email protected]
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk