皇馬嘅威爾斯球星加里夫巴利稱傷唔會喺周三對荷蘭場友賽候命，但佢喺日前又飛咗去印尼代表皇馬出席活動。此舉令威爾斯國家領隊高文好不滿，指摘巴利要學隊友基斯坦奴朗拿度（C朗、左）就學到十足，唔好成日借啲意唔踢國家隊友賽：「大家睇吓C朗有幾多頂國家隊喼帽，超過100頂，佢幾乎從來冇缺席國家隊任何比賽。佢得嘅其他人都一樣得，希望他日唔會變成巴利逢係友賽都例牌缺陣。」另外，C朗同「一剔牌」拍嘅新廣告已經搞掂，好快會見街，佢仲喺twitter度上載咗同囝囝喺兒童節嘅相㖭。
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk