𠵱家遇到唔識答嘅問題或者要搵資料，好多人都會郁吓隻手指去Google（谷歌）到搵。由於Google基本上乜都搵得到，所以佢亦被網友封為「Google大神」。
話說Google為咗方便大家，喺搜尋名人嘅時候，旁邊會有個小方格，列出名人嘅個人資料同照片。不過唔好以為「神」就唔會錯，可能Google始終都喺「來佬貨」，唔係幾認得出黃種人，隨時會「馮京當馬涼」。
搞錯郭氏兄弟
好似想搵郭氏兄弟嘅大佬郭炳湘，會彈咗佢細佬郭炳江張相。雖然兩個人唔多似樣，但可能兄弟始終都難認啲。但若果搜尋和黃（013）大班霍建寧，竟然都會唔啱，仲搵咗佢老闆李澤鉅出嚟！唔好話男人會認錯，Google認女人都麻麻哋，好似想搵「大劉」劉鑾雄嘅紅顏知己呂麗君，都出錯咗大劉嘅過氣「The One」李嘉欣。
【壹錘定音.李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk