法律界嘅資深女大狀之中，曾為大律師公會副主席嘅譚允芝Winnie好出名，尤其佢喺2011年拍住當時公會主席林孟達同家陣坐正做主席嘅石永泰開記者會，大鬧替補機制違憲，唔少法律界中人拍爛手掌。
原來外表硬朗嘅Winnie酷愛古典音樂，佢向傳媒講過若非做咗大狀，可能會喺音樂方面發展。但就算未能投身音樂界，佢亦好支持年輕音樂家一展所長。好似佢任副主席嘅林耀基中國音樂基金，最新就斟到同新世界集團慈善基金合作，設立獎學金計劃，培養中港澳三地年輕音樂家。而鄭裕彤長子嫡孫鄭志剛，原來都係林耀基中國音樂基金會董事，難怪佢哋一拍即合。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk