區議會選舉出年舉行，各大政黨基本上都揀好蟀擺晒位，好似上屆區議會選舉號稱當選率高達八成嘅新民主同盟開行turbo，現任議員連社區主任有22人做緊嘢，當中唔少仲係讀緊大學嘅九十後。一向陽氣極重嘅新同盟，最近仲有兩位女將加盟，戥勻吓陽盛陰衰情況。新同盟計劃殺出新東，擴展至新西，目前已經有三個社區主任落區工作，包括環保觸覺總幹事譚凱邦。荃灣區議會綠楊選區議員林發耿爆出桃色醜聞，大家預佢下屆冇得留低，根據泛民協調機制，新同盟可優先派人落區，該黨立法會議員范國威話，會同泛民傾吓點部署先。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk