就喺3,000市民上街高喊平反六四、毋忘中共25年前屠城之際，民建聯油尖旺支部就喺噚日搞咗個喜氣洋洋嘅「雙親相愛九龍西」活動，搵嚟一班黨領導載歌載舞同街坊聯歡。黨主席譚耀宗再次披上喺民建聯籌款晚會着過嘅鮮紅珠片、好有譚炳文feel嘅戰衣，安歌《舊歡如夢》。
表演慾一直唔低嘅元秋蔣麗芸，噚日就作突破性嘅演出，女扮男裝化身梁山伯，即席唱歌做大戲，話要搵番佢嘅愛人祝英台。點知最終穿越時空遇上該黨副主席李慧琼，兩人美其名討論現代選舉制度，實際上卻趁機狂踩拉布，話立法會條布「又長又臭」，最終合力一齊剪布。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk