【本報訊】「六四係一團火，心裏點着咗，鐵手腕係整唔熄」。民主黨創黨主席李柱銘在平反六四的路上走了25年，今天他仍然相信平反的一天會到來。他昨與年屆79歲的支聯會前常委林鉅成一同在遊行中走在隊頭、合力拉起巨型橫額，領着其他年輕人，繼續走下去。
林鉅成盼下一代接棒
身在六四遊行隊伍的李柱銘，昨對民建聯創黨主席曾鈺成稱即使不出席六四活動，亦不代表他們無良知或忘掉歷史之說，感慨萬千：「可能佢（曾鈺成）心中想同我哋一齊但做唔到……我係咁解讀，呢個（曾）係有良心嘅。」
而與李柱銘共同在六四平反路上走了25年的林鉅成強調，公義要用行動實踐：「有啲人根據良心及公義理解去採取行動；有啲人雖然明白乜叫公義、乜叫理想，但將自己私人利益、黨派利益行先。」他自言對六四至今未平反「好唔開心」，唯一可以做的是以身作則堅持下去，希望下一代接棒，「最終一定可以平反！」
八九民運時訪京的學聯代表林耀強每年都去六四集會，今年特別相約另一訪京代表陳清華遊行。林不齒親建制團體扭曲六四史實，「我每年都會講番當年學生幾和平。你講啲咁離譜嘅嘢，起碼等我死咗先」。他昨日再次憶起廣場上數百名學生縛起頭巾宣佈絕食的畫面，「有人選擇為政權說項，企喺黑暗嘅一面。無論仲有幾多人出嚟上街都好，從嗰一天開始，我都選擇企喺北京學生光輝嘅一面。」
陳清華25年前曾在百萬人大遊行當糾察，「當時大家仲有希望，笑住遊行，全香港一條心。𠵱家我懷住拜山嘅心情上街」。既然港人尚有悼念的自由，陳認為必須堅持下去，為內地傳承平反六四的希望。
【六四25周年專頁】燭光不滅，血仍未冷，民主中華，花果漂零。蘋果請你一同見證：良知，從未貶值！ http://64.appledaily.com
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk