臨近六四，我城氣氛分外沉重。噚日唔少有心人喺烈日當空下上街遊行，而一班藝術家亦以唔同形式悼六四。理大設計學院助理教授黃國才最近策劃咗個網上展覽「明日六四」，邀請25位本地藝術家創作連繫香港與六四嘅作品，將25年前北京學生嘅抗爭精神，化成香港發展民主嘅推動力。
黃國才話展覽重視個人對六四嘅反思。如80後嘅冼朗兒，長大後先知原來當年爸爸有帶佢同細佬去150萬人大遊行，但自己完全冇印象，所以佢就將童年照片用電腦合成喺當日遊行隊伍中，以創作還原記憶。展覽噚日正式開幕，亦接受公眾投稿，可以上 http://www.tomorrowsixtyfour.com睇睇。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk