【本報訊】本報日前報道天賦海灣2期溋玥一個地下「漏水屋」，發展商講明上周末（31日）完成執漏，弄得苦主陳生昨日滿心歡喜回巢，殊不知參觀一輪，大嘆單位內多處執漏未完成，尤其露台底仍滴水，強調「唔收貨」。
露台仍然滴水
陳生昨日回到天賦海灣的單位，花園放置了搭建的工作台，「外牆掛返晒啲磚，但部份磚是崩嘅、裂嘅，磚和牆身嘅縫隙都仲未補防水膠邊……牆身天花多個地方做完批盪仲未髹油……最大問題都係露台，個底仲滴緊水，又話應承拆個底出來重新整理，家陣完全冇郁過」。他稱，發展商過去幾日完全沒有和他聯絡，其後透過WhatsApp傳送多張相片，圖中清晰可見，單位修繕工程仍未完成。
他又指，上星期已再發律師信，要求發展商賠償過去一年損失，包括天賦海灣2期溋玥單位的管理費及水電費，以及期間在外租住單位租金，合共約50萬元。
由項目4個發展商組成的榮享有限公司發言人表示，已經積極跟進上述個案，如業主就有關單位仍發現有未盡善之處或有修繕訴求，將會立即處理，積極跟進，以確保業主滿意。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk