隔牆有耳:騰訊街景攝入鏡 網民睇得到 長毛戰車殺入內地 - 李八方

隔牆有耳:
騰訊街景攝入鏡 網民睇得到 
長毛戰車殺入內地 - 李八方

六四前夕,海外異見人士莫講話要確實踏足內地,連喺內地互聯網出現嘅機會亦等同零。但多年來堅持平反六四、結束一黨專政嘅長毛,佢架戰車最近卻成功突破內地封鎖,長驅直入內地呢個禁足地,等全中國網民都搵到佢。

搵「常怡道」就見到

事緣長毛嘅招牌戰車4月曾經中釘爆胎,去咗九龍灣常怡道一間車房補胎,全程10分鐘就搞掂走人。點知就喺呢短短10分鐘,一架「騰訊地圖」車輛突然駛過拍攝香港街景,作為內地地圖網站之用,將長毛架車拍咗入鏡。
八方據聞,當時長毛唔喺車上面,但係車上嘅「長毛梁國雄」、「權力為人民」口號就入晒鏡頭。雖然車身嗰句「倒行逆施,殊途同歸」口號貼紙影得有啲矇矇哋,但長毛嘅卡通肖像就一眼認得出,佢同架車總算突破內地河蟹。事實上中國網民只要喺「騰訊地圖」搜尋一吓常怡道呢個街景,就可以見識到長毛戰車嘅真身。
但八方有理由相信,呢篇報道出街後,「騰訊地圖」都會快快影過張相取代長毛戰車相,網民要睇相就要快手嘞!
網址: http://map.qq.com/#pano=37011013140405152735200&heading=277&pitch=11&zoom=2

李八方
mailto:[email protected]

騰訊「協助」長毛架戰車,突破封鎖殺入內地。

【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁!
https://www.facebook.com/hammerout.hk