【採訪手記】
「諗番都覺得幾驚㗎，因為根本唔知個槍手喺邊度射，做咗（記者）咁多年，都未試過做緊嘢嗰陣遇到有人開槍！」《蘋果》記者昨早在啟晴邨槍擊案現場採訪時，現場突傳出三下槍聲，氣氛緊張，記者一邊找掩護物，一邊舉起相機，將現場情況攝下，事後想起亦抹一額汗。
記者通宵在啟晴邨樂晴樓留守，至早上7時許氣氛轉趨平靜，受影響居民陸續返回大廈，詎料至早上10時，大廈突傳出三下槍響，現場氣氛頓變緊張，「有人開槍啊」、「匿埋」、「搵簷篷」、「唔好行出嚟」。
警員大聲呼喝聲響徹屋邨，在場採訪的數十名記者，亦紛紛走進有遮擋地方，伏卧地面繼續拍攝。
伏草叢繼續拍攝
「根本唔知道槍手嘅位置，佢嘅target係咪地面嘅人呢？」記者伏在草叢上，雖然身處危險位置，仍然開動手中的相機及攝錄機，拍下警員手按槍袋靠近石柱後戒備，大批荷槍實彈警員衝入單位，巿民驚恐走避，或伏在地上情景。其後警方擴大地面的封鎖範圍，記者未肯撤離，有警員即緊張出手拉扯，強行要求記者退至樂晴樓約200米範圍外。直至疑犯被抬出送院後，記者才鬆了口氣，查看剛拍下的圖片。
《蘋果》記者
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk