六四25周年遊行噚日由支聯會歷屆常委負責帶頭拉Banner，包括76歲嘅支聯會首屆副主席、民主阿伯李柱銘。馬丁噚日行足全程，去到政總附近仲專登行返轉頭，話要搵學民仔打氣，皆因佢覺得，平反六四薪火相傳好重要。
八方見馬丁戴住兩副黑超遊行，雖則噚日太陽好猛啫，咁都未免太誇張啩！點知一問之下先知，原來馬丁啱啱喺上星期做完白內障手術，雙眼唔可以直視陽光，所以先要出動兩副太陽眼鏡咋。馬丁話佢有白內障好耐㗎嘞，但一直都冇處理，直至上星期初做完手術，睇嘢先至清楚番，即時覺得周圍嘅顏色都sharp晒。
【壹錘定音 . 李慧玲】6月4日正式開咪!
收聽方法: 請留意【壹錘定音】facebook專頁！
https://www.facebook.com/hammerout.hk