科特迪瓦嘅托尼兄弟兵，最近運勢都麻麻，耶耶托尼早前就做手術，唔知決賽周時「弗」唔「弗」得番；𠵱家佢大佬高路托尼（綠衫）就無啦啦回國集合期間染上瘧疾，搞到發燒發冷冇胃口，但隊醫就話佢情況唔算太嚴重，下周應該可以復操。球隊上周五同世盃決賽周另一大軍波斯尼亞喺美國「拍跳」，雖然托尼兄弟冇份踢，但杜奧巴就第100次為國上陣，仲喺完場前有波入，但對方嘅前鋒迪斯高就入兩球，結果科軍輸1:2。
【壹錘定音 . 李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk